ක්ෂණික මෝචනයට සහනය දෙන ප්‍රතිකාර ක්‍රම 5ක්
ක්ෂණික මෝචනය කියන්නේ නොකියනවා වුණාට බොහෝ පුරුෂයන් පීඩා විඳින ගැටළුවක්. ඒ ගැන දැනුවත් කිරීමට තමයි මේ ලිපිය වෙන්වන්නේ.
ක්ෂණික මෝචනය යනු,
කාන්තාවක්‌ සමග එක්‌වීමේදී විනාඩි දෙකකට අඩු කාලයකදී ශුක්‍රානු පිට වේ නම් එය පාලනය කර ගැනීමට පිරිමියාට නොහැකි නම් සහ මෙම තත්ත්වය ඔවුන් දෙදෙනාටම මානසික පීඩාවක්‌ බවට පත්ව තිබේ නම් එය ප්‍රතිකාර ලබාගත යුතු මට්‌ටමේ ක්ෂණික මෝචනයක්‌ බවයි වෛද්‍යවරුන් පවසන්නේ.
ප්‍රතිකාර ලබා දීමේ ක්‍රම,
මෙම ක්ෂණික මෝචනය සඳහා ප්‍රතිකාර ලබාදීමේ ක්‍රම කිහිපයක්‌ම තිබෙනවා. නමුත් ඒවා ලබා දෙන්නේ මතුවෙලා තිබෙන ගැටලුවට අනුවයි.
ශාරීරික රෝගී තත්ත්වයක්‌ නිසා ඉක්‌මනින් ශුක්‍රාණු පිටවීම සිදුවන්නේ නම් එම රෝගී තත්ත්වය නිවැරැදි කිරීම ඉතාම වැදගත්. මෙම රෝගී තත්ත්වයන් අතර තයිරොයිඩ් ග්‍රන්ථියේ අධික ක්‍රියාකාරීත්වය ටෙස්‌ටොස්‌ටෙරෝන් හෝමෝනයේ ඌනතා පුරස්‌ති ග්‍රන්ථියේ ආසාදන තත්ත්වයන් ප්‍රධාන වනවා.
ප්‍රාණවත් වීමේ අඩුවක්‌ ඇති විටදී ද ඉක්‌මනින් ශුක්‍රාණු පිටවීම සිදුවන්නට පුළුවන්. එවන් අවස්‌ථාවකදී එම ගැටලුවට හේතු හඳුනාගෙන ප්‍රතිකාර කිරීම කළ යුතුයි.
ඊට අමතරව,
මානසික උපදේශනය
නොයෙකුත් මානසික තත්ත්වයන් නිසා ක්ෂණික මෝචනය ඇතිවන්නට පුළුවන්. මේවා මානසික රෝග නෙවෙයි. අවශ්‍ය පෞද්ගලිකත්වය නොමැති වීම, වෘත්තීය දිවියේ පීඩනයන්, විවාහ දිවියේ ඇති ආතතිය, මානසික පීඩනය සහකාරිය සමඟ ඇති අමනාපකම්, තමාගේ ලිංගික හැකියාව අවතක්‌සේරු කිරීම, ආත්ම විශ්වාසය අඩුවීම වැනි කරුණු මෙයට බලපානවානිසි උපදේශනයක් මගින් මෙවන් තත්ත්ව මග හරවා ගත හැකියි.
ලිංගිකව හැසිරෙන ක්‍රමවේදයන්
ලිංගිකව හැසිරීමේදී කාන්තාවගේත් පිරිමියාගේත් සිරුරේ මාංශපේෂී ඉහිල්ව පැවතිය යුතුයි. එසේම දෙදෙනා එකතු වන ඉරියව් අනුවද ඉක්‌මනින් ශුක්‍රානු පිටවීමට බලපානවා. එයට ප්‍රතිකර්මය තමයි නිසි ඉරියව් අනුගමනය කිරීම.
ඖෂධ
ඉක්‌මනින් ශුක්‍රානු පිටවීම පාලනය කිරීම සඳහා ඖෂධ වර්ග තිබෙනවා. ඒ වගේම ශුක්‍රාණු පිටවීම ප්‍රමාද කරන කොන්ඩම් වර්ගද දැන් වෙළෙඳපොළෙන් පහසුවෙන් ලබා ගන්න පුළුවන්. නමුත් මේ සැම එකක්ම හිතුමතේ භාවිතයට නොගෙන වෛද්‍ය උපදෙස් මතම ලබා ගැනීම අනිවාර්ය බව ඔබ මතක තබා ගත යුතුයි.
No comments:
Post a Comment